కేంద్ర ప్రభుత్వం ప్రతి యేడాది గణతంత్ర దినోత్సవాల సందర్భంగా ప్రకటించే పద్మ అవార్డుల్లో భాగంగా ఈ యేడాది పద్మ భూషణ్ అవార్డు కోసం టాలీవుడ్ హీరో పవన్ కళ్యాణ్ పేరును ఆంధ్రప్రదేశ్ ప్రభుత్వం సిఫార్సు చేసినట్టు వార్తలు వస్తున్నాయి. ఈ నేపథ్యంలో ప్రతిష్టాత్మక పద్మభూషణ్ అవార్డు కోసం పవన్ పేరును ఏపీ ప్రభుత్వం కేంద్రానికి పంపిన జాబితాలో సిఫార్సు చేసినట్టు విశ్వసనీయవర్గాల సమాచారం. దీంతో ఆయనకు పద్మ అవార్డు దక్కడం ఖాయమనే వాదన ఫిల్మ్ ఇండస్ట్రీలో బలంగా వినిపిస్తోంది.